मूल्यवर्धन ३.० : जिल्हा संसाधन गट (DRG) प्रशिक्षणाचा व्यापक टप्पा सुरू!

नंदुरबार जिल्ह्यातील DRG प्रशिक्षणात सहभागी झालेले शिक्षक

मूल्यवर्धन ३.० उपक्रमांतर्गत राज्य शैक्षणिक संशोधन व प्रशिक्षण परिषद, महाराष्ट्र (SCERT Maharashtra) आणि शांतिलाल मुथ्था फाउंडेशन (SMF- Shantilal Muttha Foundation) यांच्या संयुक्त विद्यमाने राज्यातील 10,728 शिक्षकांचे प्रशिक्षण (जिल्हा संसाधन गट- DRG) दिनांक 21 जुलै ते 7 ऑगस्ट 2025 दरम्यान होणार असून या प्रशिक्षणास यशस्वीरित्या सुरुवात झाली आहे. (काही जिल्ह्यांच्या प्रशिक्षणाच्या तारखेत स्थानिक पातळीवर बदल होऊ शकतो.)

🔹 महाराष्ट्रातील सर्व 36 जिल्ह्यांतील शिक्षकांसाठी एकूण 266 बॅचेस मध्ये हे प्रशिक्षण आयोजित करण्यात आले आहे.

🎯 पुढचा टप्पा:

31 जुलै ते 5 सप्टेंबर 2025 दरम्यान, हेच प्रशिक्षक (DRG) राज्यभरातील 3,37,000+ शिक्षकांना क्लस्टर/ब्लॉक पातळीवर प्रशिक्षण देणार आहेत.

SRG कडून मिळालेल्या प्रभावी प्रशिक्षणाचा परिणाम म्हणून DRG प्रशिक्षक आता मूल्यवर्धन ३.० कार्यक्रम शाळांपर्यंत प्रभावीपणे पोहोचवण्यासाठी सज्ज झाले आहेत.